Topaketa aurkezpen labur batekin hasi zen, non Marta Bariainek nor garen eta nondik gatozen azaldu zuen: hirurogeita sei pertsona gara, berrogeita sei enpresakoak eta lau ikastetxe akademikokoak. Eta 2023an hiru saiotatik (murgiltze, ideiatze eta garapenetik) eta 2024ko bi ADITU DESIGNetatik (design management eta ekonomia zirkularra) gatoz. Saio horien guztien informazioa webgune honetan aurki dezakezue.

Aurkezpen erronda baten ondoren, nora goazen aztertu genuen. Martak adimen kolektiboarekin konektatzea proposatu zigun,  La pecera dinamika erabiliz. Galdera batzuk egin zizkigun, laburbilduz: zer lortu dugun, zer lortu nahi dugun eta nola egingo dugun.

Zer lortu dugu?

• Diseinuari buruz hausnartzeko, hitz egiteko eta kontrastatzeko espazioak sortzea.
• Hainbat enpresa eta sektoretan nola lan egiten eta diseinatzen den ezagutzea.
• Diseinuaren balioari eta diseinatzaile “in-company” batek hartzen dituen rolei buruz ikastea, enpresetako berrikuntza adibideen bidez.
• “In-company” diseinatzaileek enpresa batzuetan duten rol xumeari buruz hausnartzea, beharrezko gaitz gisa ikusten bait dute sarritan empresa horiek. 

Zer lortu nahi dugu?

• Saioen ezagutza eta diseinuaren balioa enpresei helaraztea.
• Enpresa batzuek diseinuari buruz duten pertzepzioa hobetzea (diseinu hitzak ez du enpresa batzuetan saltzen).
• Zuzendariak, finantzarioak eta diseinuarekin lotzen ez diren beste profil batzuk erakartzea.
• “In-company” diseinatzaileen sarea sendotzea.

Nola egingo dugu?

• Prozesu gisa diseinuari buruz hitz eginez, zeren:

    – Arazoak konpontzen bait ditu, erabiltzaileen benetako premiekiko enpatiaren bidez.
    – Metodologia sortzaile eta berritzaile batzuk erabiltzen bait ditu.
    – Erabilgarria eta funtzionala delako.
    – Kostuak aurreztu eta diru sarrerak handitzen dituelako.

• Antzeko eta gertuko enpresen arrakasta kasuak erakutsiz.
• Enpresan diseinuaren erabilera sustatzeko kanpainetan inspiratuz (Kataluniako eredua).
• Diseinuaren kultura dibulgatuz.
• Narratiba konstruktiboa eta positiboa erabiliz.
• Enbaxadoreen laguntzaz, esate baterako enpresa elkarteak (Adegi), prestakuntza zentroak, baita “in-company” diseinatzaileen sarea ere.
• Ekitaldiak enpresetan bertan (batez ere ETEetan) antolatuz.
• Diseinutik kanpoko eremuetan, diseinu hitzaldiak edo jarduerak sustatuz (azokak, enpresa foroak, hitzaldiak, etab.)

ZELULA SORTZAILEEN taldetik eskerrak ematen dizkiegu era batera edo bestera proiektu honetan parte hartu eta posible egin duzuen guztiei. Aurrera jarraitzen dugu energia eta gogo beroz, ilusio handiz, egindako bideagatik. Baikor gara diseinuak edozein arlotan duen balioa erakusteko eraikitzen ari garen komunitateaz.

Zure ideiak eta iritziak behar ditugu! Proiektu hau adimen kolektibotik elikatzen da. Guztion artean aritzea da modu bakarra aurrera jarraitzako. Gure jardueretan parte hartu ala ez, idatz iezaguzu celulascreativas@eidedesign.eus helbidera.

Eskerrik asko!